المركز كتير حلو، الحيطان كلها رسومات وألوان وفي ألعاب بكل مكان.

عندهم صف لكل عمر، ومن عمر 3 سنوات في تعليم، عربي إنجليزي دين وعلوم.

اذا الطفل اقل من 3 سنوات وعندة قدرة منيحة بحطوه مع المستمعين لصف ال 3 سنوات، اذا حسه استعابه منيح بخلوه برضه يدرس معهم.

في شي ما عجبني انه الحمامات مش مخصصة للأطفال، كابينيهات كبيرة، بس المعلمات ما بخلوا الأطفال يدخلوا التواليت لوحدهم على كل الأحوال.

المعلمات لطيفين كتير وتعاملهم مع الأطفال كإنهم أولادهم.\عندهم أكتر من شغلة عجبتني زي:

تقديم وجبة الغدا الموحدة لكل الأطفال عشان الكل ياكل نفس الشي وما حد تيجي عينه على اكل غيره ويشتهيه. (طبعا الوجبة بمصاري برضه بين 1 - 1.5 دينار)

عندهم ألعاب خارجية زي نطيطة وقلعة غير عن الألعاب الداخلية.

وعندهم سينما، يوميا بشغلوا فيلم وثائقي للأطفال بعد الغدا لمدة ربع ساعة عشان الأطفال ما يلعبوا بعد الغدا مباشرة.

وعندهم قاعة حفلات ميلاد، مزينة دائما وبتغدوا الأطفال فيها.

أقساطهم منيحة مش غالي ولا رخيص.

ودوامهم من ال7 الصبح لل 6 المسا ومن السبت للخميس.